Menningin blómstrar í Reykjanesbæ
Fjölmargir menningarviðburðir eru í Reykjanesbæ á vordögum. Á vefsíðu Reykjanesbæjar er greint frá nokkrum viðburðum sem eru á næstu dögum. MyndlistargalleríFöstudaginn 3. maí opnar Félag myndlistarmanna í Reykjanesbæ gallerí í Svarta pakkhúsinu, Hafnargötu 2.
Þar verða til sýnis og sölu verk eftir félagsmenn. Opið verður alla daga frá 13.00 -1 7.00.
Landsmót kvennakóra
Helgina 4.- 5. maí verður landsmót kvennakóra haldið í Reykjanesbæ.
Hingað koma rúmlega fjögur hundruð konur alls staðar að af landinu og syngja saman.
Handverk og list
11.- 12. maí verður stór handverkssýning í íþróttahúsinu við Sunnubraut.
Þetta er sölusýning og verður hún opin báða dagana frá 12.00 - 18.00.
Bátafloti Gríms Karlssonar
Laugardaginn 11. maí verður fyrsti salurinn í Duushúsum tekinn í notkun með opnun sýningar á bátaflota Gríms Karlssonar.
Sýningin opnar fyrir almenning kl. 15.00 þann dag og verður opin til kl. 18.00. Eftir það er sýningin opin alla daga frá kl. 11.00 - 18.00.
