Darri Skúlason er einn fundvísasti hundur Suðurnesjabæjar og þó víðar væri leitað. Hann hefur síðustu vor verið duglegur að fara með fóstru sinni í heiðina ofan við byggðina í Garði til að leita að eggjum. Darri hefur dálæti á mávseggjum og síðustu vikuna hefur hann fundið um 300 egg í friðuðu kríu- og æðarvarpi. Mávarnir eru síður en svo sáttir við Darra, sem væntanlega heggur skarð í mávastofninn með áhuga sínum á eggjum. Kristbjörg Kamilla, eigandi Darra, tók þessar myndir.
