Málþing í Akademíunni

Nokkrir nemendur í íþróttafræði við Háskólann í Reykjavík og Íþróttaakademíuna hafa haft veg og vanda við undirbúning málþings sem verður haldið í dag og fjallar um mikilvægi sérkennslu við íþróttakennslu í grunnskólum. Einnig verður gerð grein fyrir aðstæðum sem krefjast sérkennslu í íþróttum. Dagskrá hefst kl. 15 og fundarstjóri er Hjálmar Árnason.

 

Fyrirlesarar úr ýmsum áttum sem tengjast þessu mikilvæga málefni munu flytja stutt erindi. Boðið er öllum starfandi íþróttakennurum á landinu, öllum alþingismönnum og fjölmörgu fagfólki á þessu sviði og fleirum. Vandað hefur verið til verka við dagskrárgerð og má sjá dagskrána með því að smella hér.

Ekki þarf að tilkynna þátttöku og aðgangur er ókeypis.