Mæðrafimin aftur af stað

María Óladóttir, íþróttakennari, fer á næstunni aftur í gang með hin vinsælu Mæðrafimi-námskeið sem voru haldin í Lífstíl síðasta haust.
Námskeiðið hefst á mánudag, en um er að ræða 8 vikna lokað námskeið þar sem nýbakaðar mæður geta mætt og lagt stund á hreyfingu með börnunum.
Sem dæmi um æfingar í námskeiðinu eru ýmsar hversdagslegar hreyfingar þar sem mæðurnar halda á börnunum sínum. Æfingar fyrir móður og barn felast svo í ýmsum teygjum og léttum æfingum fyrir báða aðila. Í hverjum tíma er svo leikin ljúf tónlist og leitast við að hafa andrúmsloftið létt og þægilegt.
María segir reynsluna af námskeiðinu fyrir áramót hafa verið mjög góða og vonast til að sjá sem flesta í þetta skiptið.

Frekari upplýsingar um námskeiðið má nálgast hjá Maríu í síma 867-0508.