Lýðveldið Ísland á afmæli í dag!

Ljósmyndarar Víkurfrétta hafa verið á þjóðlegum nótum í dag, enda ekki annað hægt í blíðunni. Íslenski fáninn hefur verið í aðalhlutverki enda lýðveldið Ísland 59 ára í dag. Tugir ef ekki hundruð ljósmynda hafa verið teknar í dag. Meðfylgjandi mynd var tekin í skrúðgarðinum í Keflavík í dag þegar stuttri dagskrá þar var að ljúka. Þaðan var farið í Reykjaneshöllina, þrátt fyrir allt að 16 stiga hita og sólarglennu í allan dag.Það er hins vegar á ábyrgð veðurfræðinga að dagkráin var flutt inn í hús, þar sem spáin gerði ráð fyrir úrhelli og vindasömu verði. Í kvöld verður innihátíð í Reykjaneshöll.

Gleðilega hátíð!

VF-mynd: Hilmar Bragi Bárðarson