Lúðrasveit TR vakti lukku í höfuðstöðvum NASA

Lúðrasveit Tónlistarskóla Reykjanesbæjar vakti mikla lukku í bandarísku geimferðamiðstöðinni (Kennedy Space Center), bækistöðvum NASA á Flórída, þar sem sveitin kom fram. Sveitin spilaði í gestamiðstöð stöðvarinnar og fengu gestir að njóta fjölbreyttrar tónlistar allt frá Mamma Mía til Blues Brothers,  eins og segir í frétt frá Kennedy Space Center. Að sjálfsögðu fengu gestir einnig að heyra íslenskra tónlist.
Eftir tónleikana eyddu meðlimir lúðrasveitarinnar deginum í gestamiðstöðinni þar sem þeir kynntust undraveröld himingeimsins m.a. í sérstökum geimskutluhermi, segir í fréttinni.

Meðfylgjandi mynd frá Kennedy Space Center er tekin við þetta tækifæri.