Lopapeysuþorrablót á Paddy's á laugardag

Lopapeysuþorrablót verður á veitingastaðnum Paddy's í Keflavík laugardaginn 22. janúar og hefst borðhald kl. 20. Miðaverð er 3900 krónur og lýkur miðasölu í dag. Þorramaturinn kemur frá Réttinum hjá Magga.

Böðvar víkingur helgar blótið. Hugleikur Dagsson verður með uppistand. Elana frá New York tekur nokkur lög. Krakkarnir úr Hellvar taka órafmögnuð lög. Addi trúbbi mætir sem gestur, en ef þú kaupir handa honum viskí þá breytist hann í glymskratta.

Heiða og Elvar eru veislustjórar. Ef þú telur þig fyndna/fyndinn þarftu að setja þig í samband við þau. Hobbitarnir og Föruneytið leika svo fram á morgun.

Myndin: Tími þorrablótanna byrjar í dag.