Ljósmyndasýning á Listatorgi

Ljósmyndaklúbburinn Pixlar í Sandgerði opnar á morgun, laugardaginn 5. desember, ljósmyndasýningu á Listatorgi í Sandgerði.  Þetta er fyrsta sýningin sem klúbburinn stendur að en hann var stofnaður nýlega af hópi áhugaljósmyndara í Sandgerði. Meðlilmir klúbbsins eru nú tæplega 30.
Á sýningunni verða yfir tuttugu ljósmyndir úr öllum áttum. Sýningin er opin frá 5. til 19. desember. Listatorg er opið alla daga frá klukkan 13 – 17.

Í gallerí Listatorgs verður 15% afsláttur fyrir þá sem vilja nýta tækifærið og kaupa fallegt og vandað handverk til jólagjafa. Þar er að finna gott úrval af ullarvörum, málverkum, glermunum, skartgripum, kertum og fl.