Listasýning barna í Frumleikhúsinu

Listasýning barna verður haldin í kvöld í Frumleikhúsinu klukkan 17:00. Þar verður hægt að skoða myndlist sem börn í Listaskólanum gerðu sem og sjá leiksýningu sem þau settu upp sjálf.

Listaskóli barna er nú starfræktur þriðja árið í röð. Starfsemin skiptist í tvennt myndlist og leiklist. Þær Thelma Björk Jóhannesdóttir, myndlistakennari og Sólveig Guðmundsdóttir, leikkona, sjá um skólann sem heyrir undir menningarfulltrúa Reykjanesbæjar. Það er enn hægt að skrá sig á næsta námskeið sem byrjar þann 3. júlí. Hægt er að hringja í síma 8981202 og fá frekari upplýsingar.