Listasafn RNB: Síðasta sýningarhelgin hjá Daða

Laugardaginn 8. mars kl. 14.30 mun Daði Guðbjörnsson listmálari verða með leiðsögn fyrir almenning um sýninguna í Listasal Duushúsa.  Daði er einn af þekktustu málurum landsins og hefur sýnt víða, bæði hér á landi og erlendis.  Sýningin í Listasalnum ber heitið Dans elementanna og samanstendur af  15 stórum olíuverkum.  Sýningin hefur fengið góða dóma og fjöldi gesta lagt leið sína í Duushúsin til að njóta verkanna.

Guðbjörn Guðbjörnsson sögnvari og bróðir Daða mun einnig koma fram og syngja nokkur lög við undirleik Ragnheiðar Skúladóttur.

Sýningarsalur Listasafns Reykjanesbæjar er  í Duushúsum.  Þar er opið alla daga frá kl. 11.00-17.00 og aðgangur er ókeypis.  Sýningin Dans elemetanna stendur til 9. mars.

VF-mynd/elg:  Daði Guðbjörnsson tók á móti nemendum Fjölbrautaskólans á dögunum og sagði þeim frá verkum sínum.