Listamannaspjall og listasmiðja í Duus Safnahúsum
Listamanna- og sýningarstjóraspjall: Guðrún Gunnarsdóttir og Aðalsteinn Ingólfsson
Sunnudaginn 29. janúar kl. 14:00 verður listamaðurinn Guðrún Gunnarsdóttir með listamannaspjall um einkasýningu sína Línur, flækjur og allskonar. Aðalsteinn Ingólfsson sýningarstjóri mun leiða spjallið með Guðrúnu og ræða við sýningargesti.
Guðrún Gunnarsdóttir er frumkvöðull á sviði þráðlistar og gefur sýning hennar góða mynd af þróun listamannsins frá myndvefnaði á áttunda áratug síðustu aldar, til þrívíddarmynda sem einkenna myndlist hennar í dag.
Sýningarstjóri er Aðalsteinn Ingólfsson.
Línur, flækjur og allskonar er styrkt af myndlistarsjóði.
Sýningin stendur til og með 5. mars 2023.
Listasmiðja barna með Björk Guðnadóttur
Önnur vinnustofan í nýstofnuðum krakkaklúbbi Listasafns Reykjanesbæjar verður haldin sunnudaginn 29. janúar kl. 13:00.
Björk Guðnadóttir listamaður verður með skemmtilega listasmiðju fyrir börn á öllum aldri.
Listasafn Reykjanesbæjar hefur tileinkað rými í anddyri safnsins undir listastarf barna. Vinnustofur krakkaklúbbsins munu halda áfram einu sinni í mánuði fram á vor. Listasmiðjurnar verða fjölbreyttar og kenndar af nýjum listamanni í hvert skipti.
Verið velkomin
Aðgangur ókeypis
