Lending Önnu Hallin í Suðsuðvestur

Sunnudaginn 15. maí nk.k klukkan 15:00 verður opnuð sýning Önnu Hallin ”Lending” í sýningarýminu SUÐSUÐVESTUR Hafnargötu 22 í Reykjanesbæ.
Á sýningunni verða ný verk; teikningar, skúlptúrar, teiknimynd og vídeóauga.

Kveikjan að myndverkaröðinni eru hugmyndir um snertifleti drauma, um þyngdarleysi.
Í skúmaskotum heimila og opinbera staða býr hið undirmeðvitaða.  Hvar geymum við minningar og drauma og í hvaða herbergi komum við þeim fyrir? Í kjallaranum, upp á háalofti, í klæðaskápnum eða fram á gangi? 
Hvernig er eðli rýmisins, form og staðsetning? Minning sem býr upp á háalofti hefur annan keim en þær minningar sem hafast við í kjallaranum. Í kjallaranum eru rætur hússins, á bak við veggi og undir gólfi kjallarans býr jörðin.  Það sem hefst við í kjallaranum hreyfir sig hægar, skýst ekki um, er leyndardómsfullt...
Leit að lendingarstað fyrir möguleika.
Suðsuðvestur er opið á fimmtudögum og föstudögum frá 16 – 18:00 og um helgar frá 14 – 17:00.