Leiðsögn um ljósmyndasýningu í dag

Ljósmyndasýningin „Ljós og náttúra Reykjanesskaga“ sem opnuð var sl. föstudag í Bíósal Duus Safnahúsa hefur hlotið góðar viðtökur. Þar sýnir Keflvíkingurinn Jón R. Hilmarsson ljósmyndir og vídeó sem hann hefur tekið á mismunandi árstíðum og tímum dags á síðustu tveimur árum. 

 

Höfundurinn stefnir að útgáfu ljósmyndabókar næsta vor og verða þessar myndir í þeirri bók sem kemur til með að dekka allt Ísland.

 

Í dag, miðvikudaginn 21. nóvember frá kl. 15-17, verður Jón á staðnum til spjalls um myndirnar og ljósmyndun almennt. 

 

Kl. 16:30 mun eiginkona hans, sópransöngkonan Alexandra Chernyshova, syngja nokkur lög.

 

Aðgangur er ókeypis og allir velkomnir.