Landnámsleiknum lýkur 16. júní

Landnámsleik Grindavíkur 2006 lýkur á hátíðarhöldunum þann 17. júní, en um er að ræða skemmtilegan útivistarleik fyrir fólk á öllum aldri.

Leikurinn hófst á Sjómannadag og verður tekið á móti lausnum í Saltfisksetrinu til 16. júní. Á Þjóðhátíðardaginn verður svo dregið úr réttum lausnum.

Leikurinn fer þannig fram að leitað er að spjöldum á stöðum sem merktir eru inn á ratleikskort, en til að gera leitina enn skemmtilegri fylgja kortinu ýmsir fróðleiksmolar. Sá fróðleikur er byggður á tilgátum en stuðst er við Sturlungabók, Hauksbók, munnmælasögur eldra fólks í Grindavík sem og Þjóðsögurnar.
Bókstaði og tölustafi sem má finna á hverjum stað skal svo færa inn á lausanrblaðið en tilkynnt verður um verðlaunahafa á 17. júní-hátíðinni eins og fyrr sagði.

Veglegir vinningar eru í boði en fyrir fyrsta sæti eru í boði 20kg af saltfiski sjófrystum fisk og humri. Fyrir annað sætið er sjófrystur fiskur og fyrir 3. sætið er fjölskyldumáltíð á Lukku Láka.