Kyrrlát stund við frosnar tjarnir

Það var kyrrlát stund við frosnar tjarnirnar í Innri-Njarðvík á sunnudagskvöld í stafalogni og tunglskini. Um fimmtán til tuttugu manns komu saman og fleyttu kertum í minningu stríðshrjáðra og fallinna barna. Íbúi í Innri-Njarðvík, Þorvaldur Óttar Guðlaugsson, stóð að framtakinu og vildi varpa örlitlu ljósi á stríðshrjáð og fallin börn um allan heim.