Kynslóðirnar fagna sumri

Samstarfsverkefni leikskólans Gimli og Nesvalla „Gaman saman“ alltaf jafn lifandi og skemmtilegt. Í gærdag fóru yngri og eldri borgarar í skrúðgöngu í skrúðgarðinn í Ytri-Njarðvík til að fagna sumri og kveðja veturinn.

Með Gimli og Nesvöllum voru eldri borgarar frá Selinu og Dagdvölinni ásamt elstu nemendum í leikskólunum Akri og Velli. Hópurinn skemmti sér mjög vel saman, söng, dansaði og borðaði nesti í skjólgóðum og snyrtilegum skrúðgarðinum í Ytri –Njarðvík.

Karen leikskólastjóri á Gimli vill koma á framfæri innilegu þakklæti til Þjónustumiðstöðvar Reykjanesbæjar fyrir þeirra þátt í að gera daginn sem ljúfastan. Starfsfólkið sýndi skjót viðbrögð og gott viðmót sem er ómetanlegt þegar á þarf að halda.

- Sjá ljósmyndasafn hér!

Myndir: Sölvi Logason