Kvenfélagið heldur karlakvöld

Hinir árlegu Sandgerðisdagar eru framundan en eiginleg dagskrá þeirra hefst í dag og nær svo hápunkti um næstu helgi. Formleg dagskrá dagsins í dag verður karlakvöld í sundlauginni kl. 20. Það er kvenfélagið Hvöt sem stendur að karlakvöldinu. Já, þið lásuð þetta rétt, kvenfélagið heldur karlakvöld í sundlauginni í kvöld. En til þess að jafnréttis sé nú gætt þá verður haldið kósý konukvöld í sundlauginni annað kvöld.

Formleg setning Sandgerðisdaga verður á miðvikudaginn kl. 13 í Vörðunni þegar leik og grunnskólanemendur marsera að þangað og setja dagana með bæjarstjóra. Við þetta sama tækifæri verður opnuð myndlistarsýning leikskólabarna.

Nánar verður greint frá dagskránni þegar nær dregur en einnig er hægt að fylgjast með dagskrá og fréttum á vef Sandgerðisdaga.
---

Mynd/www.245.is – Frá kósý könukvöldi í sundalauginni á síðustu Sandgerðisdögum. Karlarnir í bænum fá líka sitt karlakvöld.