Kveikt á jólatrjám í kulda og trekki

Kveikt var á jólatrjám í Sandgerði og Garði í gær, fyrsta sunnudegi í aðventu. Fyrst var kveikt á jólatré Sandgerðinga en síðan stormað í Garðinn og kveikt á trénu þar.

 

Skjóða, sem er systir jólasveinanna kom og skemmti á báðum stöðum og þá mættu jólasveinar, sem höfðu leyfi til að fara fyrr til byggða.

 

Skólakórar sungu á báðum stöðum og bæjarstjórinn, Magnús Stefánsson, ávarpaði viðstadda. 

 

Góð mæting var á báða staði þrátt fyrir kulda og trekk. Því var mætt með því að bjóða upp á heitt kakó og piparkökur.

 

Meðfylgjandi myndir voru teknar í sameinaða sveitarfélaginu. Fleiri myndir verða í Víkurfréttum í vikunni.

 

VF-myndir: Hilmar Bragi

 

Magnús Stefánsson bæjartsjóri ávarpaði samkomur á báðum stöðum. Hér er hann í Garði og með Skólakór Gerðaskóla.

Jólatréð í Sandgerði er fallegt og stendur við innkomuna í bæinn við íþróttahúsið og skólann.

 

Skjóða skemmti líka í Garðinum. Fleiri myndir í Víkurfréttum í þessari viku.