Kósý heima og paradís í Þrastarskógi
Birgitta Ína Unnarsdóttir, flugfreyja.
Á að ferðast eitthvað yfir páskahelgina? - Ef ekki, hvernig á að verja helginni?
Það verður tekið smá kósý heima og farið svo í paradísina í Þrastarskógi með fjölskyldunni, sem er dásemdar reitur fjölskyldunnar og allir njóta sín í botn.
Áttu þér einhverjar hefðir sem tengjast páskunum?
Páskeggjaleit í sveitinni með strumpinum mínum er orðin skemmtileg hefð sem hann er búinn að skipuleggja lengi fyrirfram og bíður spenntur eftir.
Hvað er borðað á þínu heimili á páskadag?
Páskalambið og með því er best og klikkar aldrei.
Hvernig páskaegg ætlar þú að fá þér í ár?
Freyju Draumur er uppáhalds hjá okkur mæðginum og ætli það klárist ekki á núll einni.
