Kom í heiminn í leikskólanum Tjarnarseli
Hænuungi vakti mikla kátínu „heimafólks“
Loðnir, fiðraðir og sætir gestir komu í heimsókn á leikskólann Tjarnarsel fyrir skömmu. Um var að ræða hænuunga frá bænum Norðurkoti á Miðnesi, sem er rétt utan við Sandgerði.
Ungarnir töltu í bæinn og tístu sér leið inn í hjörtu barna og kennara. Einn unganna klaktist úr eggi sínu og gátu börnin fylgst með því gerast og voru að vonum himinlifandi yfir því.
Allir nemendur fengu að halda á þessum litlu hnoðrum og vakti heimsóknin mikla kátínu. Meðfylgjandi myndir voru birtar á Facebook síðu Tjarnarsels.
