Kökubasar kórs eldri borgara á föstudag

Eldey kór eldri borgara verður með kökubasar í Nettó næsta föstudag klukkan 14:00. Tilefnið er að kórfélagar eru að safna pening til að standa straum af kostnaði við 25 ára afmæli kórsins. Í fréttatilkynningu frá kórnum segir að mikið verði að gera hjá þeim á afmælisárinu og að maí mánuður verðu undirlagður. Þann 5. maí á Uppstigningardag syngur Eldeyjarkórinn við messu í Keflavíkurkirkju, þann 19. maí í Víðihlíð og á Hlévangi, 20. maí á Nesvöllum. Þann 21. maí tekur kórinn svo þátt í kóramóti á Akranesi, og 26. maí verða vortónleikar í Keflavíkurkirkju. 

 

Fyrirhuguð er afmælisferð kórsins 16 til 21. september til Þýskalands. Afmælistónleikar og fleira verða á dagskrá með haustinu.