Kirkjuskoðunardagur á Reykjanesi
Sunnudaginn 13. júlí n.k., kl. 11-15, verða allar kirkjur á Reykjanesi opnar og er ferðafólk hvatt til að gera sér ferð um Reykjanesið og skoða þær.
Á Reykjanesi eru margar merkilegar kirkjur og sem liður í menningartengdri ferðaþjónustu á svæðinu hefur verið gefinn út bæklingur þar sem fjallað er um þær allar. Markmiðið er að vekja athygli fólks á kirkjum á Reykjanesi, sem flestar eru bráðmerkilegar og eiga sér langa sögu.Í bæklingnum er athyglinni beint að byggingunum sjálfum en ekki trúarlegu hlutverki þeirra í samfélaginu. Kirkjur voru lengi veglegustu byggingarnar á hverjum stað og geyma því sögu byggingarlistarinnar á sinn hátt. Eins tengdust kirkjurnar öllum stærstu stundunum í lífi mannfólksins og þangað söfnuðust því oft merkir gripir og skemmtilegar sögur. Ekki var hægt setja í bæklinginn nema örfá orð um hverja kirkju en fólki er bent á að í flestum kirkjunum er að finna nánari upplýsingar um viðkomandi stað. Einnig má benda á vefsíður kirknanna.
Bæklinginn er hægt að nálgast í öllum kirkjunum og einnig á upplýsingamiðstöðvum ferðamanna í Hveragerði, Hafnarfirði, Hafnarstræti í Reykjavík og Reykjanesbæ.
Reykjanesbær og stjórn Kjalarnesprófastsdæmis eru útgefendur að bæklingnum og er þetta verkefni unnið í samvinnu við Ferðmálasamtök Suðurnesja.
Á Reykjanesi eru margar merkilegar kirkjur og sem liður í menningartengdri ferðaþjónustu á svæðinu hefur verið gefinn út bæklingur þar sem fjallað er um þær allar. Markmiðið er að vekja athygli fólks á kirkjum á Reykjanesi, sem flestar eru bráðmerkilegar og eiga sér langa sögu.Í bæklingnum er athyglinni beint að byggingunum sjálfum en ekki trúarlegu hlutverki þeirra í samfélaginu. Kirkjur voru lengi veglegustu byggingarnar á hverjum stað og geyma því sögu byggingarlistarinnar á sinn hátt. Eins tengdust kirkjurnar öllum stærstu stundunum í lífi mannfólksins og þangað söfnuðust því oft merkir gripir og skemmtilegar sögur. Ekki var hægt setja í bæklinginn nema örfá orð um hverja kirkju en fólki er bent á að í flestum kirkjunum er að finna nánari upplýsingar um viðkomandi stað. Einnig má benda á vefsíður kirknanna.
Bæklinginn er hægt að nálgast í öllum kirkjunum og einnig á upplýsingamiðstöðvum ferðamanna í Hveragerði, Hafnarfirði, Hafnarstræti í Reykjavík og Reykjanesbæ.
Reykjanesbær og stjórn Kjalarnesprófastsdæmis eru útgefendur að bæklingnum og er þetta verkefni unnið í samvinnu við Ferðmálasamtök Suðurnesja.
