Keppt í Skólahreysti í dag

Það verður boðið uppá líf, fjör og fitness í íþróttahúsinu við Sunnubraut í dag þegar undankeppni Skólahreystis fer fram.

Um er að ræða skóla í Hafnarfirði, Garðabæ og alla skóla á Reykjanesi sem freista þess að vinna sér inn sæti á úrslitakvöldinu sem fer fram í Laugardalshöll 22. apríl, en þangað komast 12 bestu skólar landsins.

Heiðarskóli er ríkjandi meistari í Skólahreysti og ofan á það vann Holtaskóli keppnina þrjú ár í röð þar á undan. Það vantar því ekki lýsið í grunnskólabörn í Reykjanesbæ og verður gaman að sjá hvort að aðrir skólar á Suðurnesjum komi til með að gera atlögu að úrslitakvöldinu.

Keppnin hefst kl. 16:00.