Kennir krökkum að semja rapptexta

Rappsmiðja með rapparanum GKR verður haldin í Bókasafni Reykjanesbæjar næsta laugardag, 6. maí, frá klukkan 13 til 15. Rappsmiðjan er í tilefni af Barnamenningarhátíð. Hún er ætluð 9 til 12 ára krökkum.

Í rappsmiðjunni ætlar GKR að leiðbeina krökkunum við að semja sína eigin rapptexta. Ókeypis er á námskeiðið en nauðsynlegt að skrá sig í afgreiðslunni eða á vef safnsins.