Keilir býður á tónleika í kvöld

Keilir vill þakka íbúum Suðurnesja fyrir frábærar móttökur með því að bjóða þeim á útgáfutónleika VilHelms í hátíðarsal Keilis í Kapellu  ljóssins á gamla varnarsvæðinu kl. 21:00 í kvöld. 

 

Tæplega 700 manns  hafa undanfarnar vikur flutt á Keilissvæðið í 330 íbúðir sem þar hafa  verið leigðar út til háskólanema. Leik- og grunnskóla hafa þegar tekið til starfa á svæðinu og nú í mánuðinum munu opna þar íþróttamiðstöð,  verslun og bankaútibú.

 

Keilissvæðið er nú hverfi í Reykjanesbæ og hefur verið tengt bænum með nýjum vegi, Grænásvegi. Hið nýja hverfi hefur hlotið nafnið Vallarheiði.