Keflavíkurverktakar byggja nýja Bónusverslun í Hafnarfirði

Fasteignafélagið Þyrping hefur samið við Keflavíkurverktaka um byggingu nýrrar Bónusverslunar að Tjarnarvöllum 15 í Hafnarfirði. Áætlað er að byggingin sem er um 1380 fermetrar á einni hæð, rísi á þremur mánuðum. Verktíminn hófst 1. september og áformað er að Bónus opni sína verslun í húsinu í byrjun desember.

Hönnuðir eru Arkís ehf., Ferill ehf. og Raftæknistofan hf., eftirlit er í höndum Ferils ehf.