Karlakór Keflavíkur með tónleika í Grindavíkurkirkju

Karlakór Keflavíkur heldur Vortónleika í Grindavíkurkirkju fimmtudaginn 12. maí nk. kl. 20:30 og ætla fyrirtæki í Grindavík að bjóða bæjarbúum á tónleikana. Fjórir Grindvíkingar eru í kórnum, þeir Ólafur Arnberg Þórðarson, Sigbjörn Jóhannsson, Gísli Jóhann Sigurðsson og Svanþór Eyþórsson.

Að sögn Gísla verður efnisskráin fjölbreytt. Má þar nafna margar fallegar Íslandsperlur eins og Lindin tær, Hver á sér fagra Ísland, Suðurnesjamenn, Vor í vaglaskógi, Næturljóð og margt fleira . Undirleikari er Jónas Þórir og einsöngvari er Davíð Ólafsson. Stjórnandi kórsins er Guðlaugur Viktorsson en hann hefur stjórnað kórnum síðustu 6 ár.