Karlakór Keflavíkur heldur sína árlegu jólatónleika

Karlakór Keflavíkur býður nú upp á sína árlegu jólatónleika. Tónleikarnir sem hafa verið afar vinsælir á undanförnum árum hafa fyrir löngu hlotið varanlegan sess í jólaundirbúningi Suðurnesjamanna.
Tónleikarnir fara fram þriðjudaginn 29. nóvember kl. 20:30 í Ytri- Njarðvíkurkirkju.

Að þessu sinni verður Grundartangakórinn frá Akranesi gestur kórsins. Hugljúf jólastemning með tveimur kröftugum kórum og einsöngvurum úr báðum kórum.

Kóranir munu endurtaka tónleikana í Vinaminni á Akranesi föstudaginn 2. desember n.k. Nánar auglýst síðar.

Karlakór Keflavíkur.