Kaldar kinnar og heit hjörtu

Rjóðar kinnar, húfur, treflar og snjógallar. Veitti ekki af í kuldanum sem var á mánudaginn þegar kveikt var á jólatrénu í Sandgerði. Bæjarbúar létu það þó ekki á sig fá, klæddu sig vel og mættu með góða skapið. Barnakórinn söng ásamt kirkjukórnum nokkur jólalög við harmónikkuundirleik. Jólatréð stendur við grunnskólann og sómir sér þar vel, ljósum skreytt.