Júdódeild með bingó

Júdódeild UMFN ætlar að halda vetrarbingó laugardaginn 3. nóvember, kl. 14:00 í Akurskóla. Deildin er að flytja í nýtt húsnæði ásamt Taekwondódeild Keflavíkur og ætla að safna fyrir nýjum æfingatækjum og æfingabúnaði fyrir iðkendur sína í nýja húsnæðið.  Margir góðir vinningar eru í boði m.a. sundkort í Vatnaveröld, bíómiðar frá Sambíóunum, hárvörur frá Arthúsinu, klipping frá Hár og Rósir, gjafabréf frá Subway, Georg V. Hannah, Kóda, K-Sport,  Nammibarnum, Sporthúsinu, Hárfaktorý og Skötuhlaðborð á Ránni og fleira.

Vonandi munu sem flestir mæta til að styrkja þetta góða málefni og eiga saman skemmtilega fjölskyldustund. Deildin verður svo með veitingar til sölu á vægu verði.

Allir Suðurnesjamenn eru velkomnir enda eru iðkendur deildarinnar úr flestum bæjarfélögum á svæðinu.