Jólatónleikar Siggu Beinteins í Keflavíkurkirkju í kvöld

Sigga Beinteins heldur nú í annað sinn hugljúfa og einlæga jólatónleika ásamt góðum gestum í Keflavíkurkirkju í kvöld kl. 20. Sérstakir gestir Siggu í kvöld verða félagar í Karlakór Keflavíkur. Miðaverð er 3200 krónur og er miðasala við innganginn.

Sigga æfði með kórnum nú í vikunni og sagðist í samtali við Víkurfréttir vera spennt fyrir því að syngja með körlunum í kvöld í Keflavíkurkirkju.

„Kórinn er stór og flottur og telur yfir 40 manns, það verður alveg hrikalega gaman taka lagið með þeim,“ sagði Sigríður Beinteinsdóttir.