Jólamarkaður Listatorgs

Hinn árlegi og sívinsæli Jólamarkaður handverksfólks í Sandgerði, verður haldinn í einn dag, sunnudaginn 4. desember frá klukkan 13:00 til 17:00 á Listatorgi.

Þá gefst gestum og gangandi tækifæri til að koma og kaupa fallegar jólagjafir á frábæru verði.

Hvort heldur eru merkispjöld eða sérhönnun þá er það víst að þú getur fundið einstaka gjöf til að gefa ástvinum þessi jólin á Jólamarkaði Listatorgs.

Lionsmenn verða með fiskibollur til sölu og rennur ágóðinn til líknarmála.

Harðfiskur sem framleiddur er í Sandgerði verður einnig á boðstólum.

Jóladagatöl frá síðustu öld verða til sölu og rennur ágóði þeirra til góðgerðarmála.

Börnin í bænum okkar munu einnig færa okkur jólasöngva og jólatónlist.

Veitingahúsið Vitinn býður upp á heitt súkkulaði, belgískar vöfflur með alvöru rjóma og piparkökur frá klukkan 14:00 gegn sanngjörnu verði fyrir alla fjölskylduna.

Eigum saman skemmtilegan dag með fjölskyldunni og góðum vinum á árlegum jólaviðburði á Listatorgi!