Jólamarkaður Kompunnar í dag

Jólamarkaður Kompunnar verður haldinn fimmtudaginn 24. nóvember n.k. við Smiðjuvelli í Reykjanesbæ. Dagskrá verður frá kl. 17:30 til 18:30, en markaðurinn sjálfur verður opinn frá kl. 13:00 til 19:00.

Hægt verður að kaupapiparkökur, kaffi og kakó á sanngjörnu verði, boðið verður upp á lifandi tónlist, Leikfélag Keflavíkur mun sýna brot úr Jólasögu Charles Dickens, uppboð verður á ýmsum merkilegum munum og fleira skemmtilegtverður gert.

Alls konar jóladót hefur verið að safnast upp hjá Kompunni og á fimmtudaginn verður það tekið fram og sett á sölu. Að sjálfsögðu verða hefðbundnar vörur Kompunnar einnig til sölu s.s. gömul húsgögn, bækur, ýmsar nytjavörur og margt fleira.

Kompan er nytjamarkaður sem er rekinn af Fjölsmiðjunni á Suðurnesjum sem venjulega er opinn alla virka daga kl. 10:00 til 15:00. Hægt er að fá nánari upplýsingar með því að hringja í Kompuna í síma 421-1111.