Jólaljósin tendruð á morgun

Á morgun kl. 18 verður kveikt á jólatrénu við Tjarnargötutorg í Reykjanesbæ. Að venju verður jólastemmning allsráðandi þar sem jólasveinar verða ferð, jólatónlist leikin og boðið upp á heitt kakó.
Tréð er gjöf frá vinabænum Kristiansand.
Á morgun er einnig Bókakonfekt í Bíósal Duushúsa á vegum Bókasafns, menningarfulltrúa, bókabúðarinnar og Miðstöðvar símenntunar. Þrír rithöfundar lesa úr nýútgefnum verkum sínum og Magga Stína og hljómsveit syngja Megas. Aðgangur er ókeypis.