Jólafjör í Eldey

Það var líf og fjör á jólakaffihúsakvöldi Eldeyjar á Ásbrú í gærkvöldi. Fyrirlesari kvöldsins var Marta Eiríksdóttir, sem gefur út tvær bækur nú fyrir jólin.

Í gærkvöldi kynnti hún bókina Becoming Goddess - Embracing Your Power en í henni  fjallar Marta um þessa innri visku sem við eigum aðgang að í hjarta okkar. Bókin er ekta náttborðsbók, þú vilt eiga hana og fletta upp í henni þegar "lífsins skóli" er þér um megn og þig vantar andlegan stuðning.

Lifandi jólatónlist og ein allsherjar jólastemmning var í húsinu, þar sem jólasápur, jólasvuntur, jólasultur og jólatilboð voru í öllum hornum. Þá sýndu saumakonur í húsinu sína framleiðslu og Raven Design sýndi og seldi handverk sitt, sem er uppfullt af jólaanda.

Snædís Guðmundsdóttir klæðskeri er ein fjölmargra sem hafa hreiðrað um sig í Eldey. Hér má lesa nánar um fyrirtækið hennar.