Jóladagatal Víkurfrétta - 4. desember

4. desember.
Í dag máttu setja upp kransinn á útidyrnar. Ef þú ert mikið gefin fyrir föndur er þetta rétti dagurinn til þess að hitta föndurhópinn þinn. Því miður er það samt oft svo að hugmyndirnar í föndurhópnum eru misgóðar og því má velta því fyrir sér hvort það sé ekki bara skynsamlegra að föndra eitthvað með börnunum og fjölskyldunni sem alla langar til að eiga. Við mælum með því að nýta mánudagskvöldið í góða samverustund með fjölskyldunni. Tilvalið er að búa til jólakort með börnunum, sælgætiskransa eða kramarhús jólapoka. Hitið kakó með rjóma eða einhvern jólalegan kaffidrykk úr uppskriftunum hér í blaðinu.