Jófríður besta söngkonan - Valdimar með besta rokklagið
Suðurnesjafólk sigursælt á íslensku tónlistarverðlaununum
Suðurnesjafólk gerði það gott á íslensku tónlistarverðlaununum og fór heim með tvenn verðlaun. Jófríður Ákadóttir úr hljómsveitinni Samaris var valin söngkona ársins í flokki popp- og rokksöngvara. Hljómsveitin Valdimar átti lag ársins í flokki rokklaga með lagið Slétt og fellt.
Íslensku tónlistarverðlaunin voru afhent við hátíðlega athöfn í Hörpu í gærkvöldi. Veitt voru verðlaun í rúmlega 30 flokkum, en flest verðlaun hlaut rapparinn Emmsjé Gauti. Rut Ingólfsdóttir, fiðluleikari tók við heiðursverðlaunum fyrir framlag sitt til íslenskrar tónlistar.
