Íþróttamaðurinn skellir sér á Ljósanæturballið

Við hvað starfar þú?
„Ég vinn í farþegaþjónustu IGS en byrja bráðum aftur í háskólanum.“

Hvað ætlarðu að gera á Ljósanótt?
„Ætli ég verði ekki bara umkringdur fjölskyldu og vinum, horfi á flugeldasýninguna og skelli mér svo á Ljósanæturballið á laugardeginum. Verð að sjálfsögðu edrú, enda íþróttamaður.“

Er eitthvað sem þú gerir á hátíðinni á hverju ári?
„Ég hef sjaldan misst af flugeldasýningunni.“

Hvað finnst þér vanta á Ljósanótt?
„Hátíðin hefur að mínu mati heppnast mjög vel síðustu árin. Það eina sem vantar þetta árið er fornbílaaksturinn niður Hafnargötuna. Mér finnst mega endurskoða það að hætta við hann.“

Hvaða viðburði ætlarðu að kíkja á?
„Ég mun að öllum líkindum fara niður í bæ og bara rölta um. Ekkert sérstakt í huga fyrir utan Ljósanæturballið.“

Enginn fornbílaakstur verður á hátíðinni í ár vegna öryggisráðstafanna.