Íslandsmót í áhaldafimleikum um helgina

Fimleikadeild Keflavíkur sendir fjölmarga keppendur á Íslandsmót í þrepum um helgina sem haldið er í aðstöðu fimleikadeildar Ármanns í Laugabóli. Keflvíkingar hafa verið sigursælir á bikarmótum í ár og verður spennandi að sjá hvort fimleikamenn og -konur fylgi eftir þeim frábæra árangri um helgina.

 

Veitt eru verðlaun í fjölþraut í hverjum aldursflokki og svo er krýndur 1 Íslandsmeistari í hverju þrepi.

 

Á heimasíðu fimleikasambandsins má finna skipulag fyrir helgina fyrir áhugasama en keppni hefst nú í morgunsárið og lýkur á morgunn.

 

Víkurfréttir munu fylgjast grannt með gangi mála um helgina og færa fréttir af helstu úrslitum.