Íris er listamaður febrúarmánaðar

Mynd mánaðarins í febrúar er komin upp í Kjarna, Hafnargötu 57 í Reykjanesbæ. Um er að ræða kynningarátak á myndlistarmönnum Reykjanesbæjar á vegum Markaðs- og atvinnumálaskrifstofu Reykjanesbæjar. Listamaður febrúarmánaðar er Íris Jónsdóttir.
Íris er fædd 25. mars 1963 og hefur lengi búið á Suðurnesjum. Hún stundaði nám við Myndlistarskólann á Akureyri, Myndlista- og handíðaskóla Íslands og listaskóla í Mílanó á Ítalíu. Íris hefur haldið nokkrar einkasýningar t.d. í Gallerý Hringlist, Bláa lóninu og IS Kunst í Noregi. Hún hefur einnig tekið þátt í mörgum samsýningum s.s. í Deiglunni á Akureyri, Dómkirkjunni í Reykjavík o.fl. stöðum. Verk Írisar má sjá víða s.s. á Hótel Keflavík, hjá Hitaveitu Surnesja og í kirkjugarðinum við Hvalsneskirkju.
Íris er með vinnustofu á Bjarnavöllum 2 í Keflavík. Vinnustofan er opin eftir samkomulagi og eru áhugasamir hvattir til að hafa samband við hana í síma 421-4995 eða 699-4775.