Ingó á Langbest ætlaði að verða Bruce Lee þegar hann yrði stór

Ingólfur Karlsson, Ingó á Langbest, ætlaði að verða Bruce Lee þegar hann yrði stór. Hann væri til í að veita öllum Íslendingum bandarískan ríkisborgararétt eins og hann kemur inn á í netspjalli við Víkurfréttir.

– Nafn:

Ingólfur Karlsson.

– Árgangur:

1967.

– Fjölskylduhagir:

Giftur Helenu Guðjónsdóttur – þrjú börn og þrjú barnabörn.

– Búseta:

Keflavík.

– Hverra manna ertu og hvar upp alin?

Sonur hjónanna Hallfríðar Ingólfsdóttur og Karls G. Sævars. Fæddur og uppalinn á Smáratúni, Keflavík.

– Starf/nám:

Veitingamaður á Langbest.

– Hvað er í deiglunni?

Allt í botni en á leiðinni í liðþófaaðgerð.

– Hvernig nemandi varstu í grunnskóla?

Frekar slakur.

– Hvernig voru framhaldsskólaárin?

Lærði meira í messanum hjá bandaríska hernum.

– Hvað ætlaðir þú að verða þegar þú yrðir stór?

Bruce Lee.

– Hver var fyrsti bíllinn þinn?

1982 módel af Honda Accord (Hondamatic).

– Hvernig bíl ertu á í dag?

Audi og Suzuki Jimny.

– Hver er draumabíllinn?

Ford Bronco 2021.

– Hvert var uppáhaldsleikfangið þitt þegar þú varst krakki?

Grifter-reiðhjólið mitt.

– Besti ilmur sem þú finnur:

Skötuilmurinn á Þorláksmessu.

– Hvernig slakarðu á?

Í heita pottinum.

– Hver var uppáhaldstónlistin þín þegar þú varst u.þ.b. sautján ára?

AC/DC, Iron Maiden & Pink Floyd.

– Uppáhaldstónlistartímabil?

80’s.

– Hvaða tónlist fær þig til að sperra eyrun þessa dagana?

Íslensk.

– Hvers konar tónlist var hlustað á á þínu heimili?

Bítlana, Hljóma, Elvis.

– Leikurðu á hljóðfæri?

Nei.

– Horfirðu mikið á sjónvarp og hvernig?

Enska boltann, Vikings og YouTube-jepparásir.

– Hverju missirðu helst ekki af í sjónvarpinu?

Aðallega leikjum með Liverpool í enska boltanum og fréttum.

– Besta kvikmyndin:

Úff, þessu er erfið. Nefni nokkrar: Close Encounters of the Third Kind, Young Frankenstein, As Good as it Gets, Exorcist, Star Wars, The Wall og gæti nefnt 50 aðrar.

– Hver er uppáhaldsbókin þín og/eða rithöfundur?

Hef lesið Sturlungu sjö sinnum, einnig allt sem Bergsveinn Birgisson og Einar Kárason skrifa er lesið upp til agna.

– Hvað gerir þú betur en allir aðrir á þínu heimili?

Þrífa og bóna bílana.

– Hvert er snilldarverkið þitt í eldhúsinu?

Jólasteikin.

– Hvernig er eggið best?

Linsoðið.

– Hvað fer mest í taugarnar á þér í fari þínu?

Segi stundum það sem ég hugsa.

– Hvað fer mest í taugarnar á þér í fari annarra?

Tillitsleysi og yfirgangur.

– Uppáhaldsmálsháttur eða tilvitnun:

Margur verður af aurum api.

– Hver er elsta minningin sem þú átt?

Í Rússajeppa á ferðalagi um Ísland.

– Orð eða frasi sem þú notar of mikið:

Langbest, góðan daginn!

– Ef þú gætir farið til baka í tíma, hvert færirðu?

Sturlungaöld, ekki spurning.

– Hver væri titillinn á ævisögu þinni?

Lenti í miklu.

– Þú vaknar einn morgun í líkama frægrar manneskju og þarft að dúsa þar einn dag. Hver værirðu til í að vera og hvað myndirðu gera?

Donald Trump og gæfi öllum Íslendingum bandarískan ríkisborgararétt – það vorum nefnilega við sem fundum Ameríku.

– Hvaða þremur persónum vildirðu bjóða í draumakvöldverð?

Börnunum mínum þremur.

– Hvernig hefur þú verið að upplifa árið 2020 hingað til?

Eins og allir hinir.

– Er bjartsýni fyrir sumrinu?

Verðum við ekki að vera það.

– Hvað á að gera í sumar?

Spila golf og ferðast um landið.

– Hvert ferðu í sumarfrí?

Um land allt.

– Ef þú fengir gesti utan af landi sem hafa aldrei skoðað sig um á Suðurnesjum. Hvert myndir þú fara með þá fyrst og hvað myndir þú helst vilja sýna þeim?

Fara með þá um Reykjanesið og sýndi þeim alla leynistaðina mína.

– Ef þú gætir hoppað upp í flugvél og réðir hvert hún færi, þá færirðu ...

... til Vestmannaeyja í einn Irish hjá Jóni Óla æskufélaga mínum.