Inga Elín sýnir í Kaffitári

Listakonana Inga Elín mun opna sýningu sína í listasal Kaffibrennslu Kaffitárs í Reykjanesbæ laugardaginn 5.nóvember kl 16:00.

Inga Elín hefur haldið allmargar einkasýningar bæði á Íslandi og Bretlandi og tekið þátt í fjölda samsýninga á Norðurlöndunum sem og á Íslandi. Hún var tilnefnd til menningarverðlauna DV fyrir myndlist árið 1994 og sex árum áður hlaut hún Kunsthandværkeprisen af 1879 verðlaunin í Kaupmannahöfn. Helstu verksvið og verkefni Ingu Elínar eru hönnun, glerlist, postulín, steinsteypa, leirlist, glersteypa og skúlptúr.

Allir eru velkomnir á opnunina og verður boðið uppá lifandi tónlist og léttar veitingar.