Iceglass sýnir á Listatorgi Sandgerðis

Glerlistamennirnir og mæðginin frá Iceglass sýna í fyrsta sinn einstaklingssýningu á Íslandi á Listatorgi Sandgerðisbæjar nk. laugardag.

Guðlaug Brynjarsdóttir og sonur hennar Lárus Guðmundsson reka opna vinnustofu að Grófinni 2 í Reykjanesbæ og hafa aðallega sýnt áður á alþjóðlegum vettvangi þar á meðal í París og New York.

Sýningin opnar klukkan 14:00, laugardaginn 21. júlí og stendur í fjórar vikur.

Á sýningunni gefur að líta breiða mynd af heildarverkum þeirra.