Iceglass opnar sýningu í Sandgerði í dag

Glerlistamennirnir og mæðginin frá Iceglass sýna í fyrsta sinn einstaklingssýningu á Íslandi á Listatorgi Sandgerðisbæjar í dag, laugardag. Sýningin opnar klukkan 14:00 og stendur í fjórar vikur.

Guðlaug Brynjarsdóttir og sonur hennar Lárus Guðmundsson reka opna vinnustofu að Grófinni 2 í Reykjanesbæ og hafa aðallega sýnt áður á alþjóðlegum vettvangi þar á meðal í París og New York.

Á sýningunni gefur að líta breiða mynd af heildarverkum þeirra.