Íbúum fjölgar á Nesvöllum í Reykjanesbæ: Alsæl á nýjum stað
-segir Sigrún Ólafsdóttir sem flutti í íbúð á Nesvöllum í haust.
Sigrún Ólafsdóttir var ein af fyrstu íbúunum á Nesvöllum og hún er alsæl í nýju íbúðinni sinni en hún hafði búið í stóru húsi á Háholti í Keflavík í tuttugu og þrjú ár.
Sigrún hafði verið að skoða húsamálin undanfarin tvö ár en hún hefur búið ein síðan 2003 eftir að eiginmaður hennar lést. Það voru síðan synir hennar sem settust yfir málin hjá henni og kynntu henni Nesvelli. Hún flutti inn í íbúðina sína 15. okt. sl.
Sigrún bjó síðustu tuttugu árin í stóru húsi á tveimur hæðum í Háholti í Keflavík. Hún á fjögur börn á lífi og sjö barnabörn og það hefur verið mikill gestagangur alla tíð og það var meðal atriða sem hún vildi hugsa um áður en hún færði sig í annað húsnæði. Það má því segja að það hafi verið nokkuð átak því breytingin er mikil því hún bjó í mjög stóru húsi.
Sigrún segir að þegar hún hafi farið yfir fjárhagslegu hliðina þá hafi það komið ágætlega út. Hún náði að selja húsið nokkuð fljótt og má segja að þessi lausn sem bauðst á Nesvöllum hafi virkað vel.
Það hafa verið mikil viðbrigði hjá Sigrúnu að fara úr stóra húsinu í nýju íbúðina á Nesvöllum. „Ég er mjög ánægð með nýju íbúðina. Stærðin er fín og skipulagið er gott. Staðsetningin hentar mér ágætlega og mér finnst gott að hafa bílskúrinn og innangengt úr honum. Ég er með aukaherbergi og hlakka til sumarsins og vonast til að geta fengið mér sæti á góðum kvöldum hér úti á pallinum.“
Sigrún segir að hún hafi verið búin að leita að nýrri húseign en án árangurs. Þegar Nesvalladæmið hafi komið á borðið þá hafi hún sannfærst nokkuð fljótt um að það væri rétta skrefið. Peningalega hafi það komið vel út, hún var sátt við útlit og flesta hluti á Nesvöllum og er bjartsýn á framtíðina á nýja staðnum. „Það sem kom mér svo skemmtilega á óvart var hvað ég var fljót að aðlagast breytingunum sem voru vissulega miklar,“ sagði Sigrún Ólafsdóttir.
Sigrún Ólafsdóttir var ein af fyrstu íbúunum á Nesvöllum og hún er alsæl í nýju íbúðinni sinni en hún hafði búið í stóru húsi á Háholti í Keflavík í tuttugu og þrjú ár.Sigrún hafði verið að skoða húsamálin undanfarin tvö ár en hún hefur búið ein síðan 2003 eftir að eiginmaður hennar lést. Það voru síðan synir hennar sem settust yfir málin hjá henni og kynntu henni Nesvelli. Hún flutti inn í íbúðina sína 15. okt. sl.
Sigrún bjó síðustu tuttugu árin í stóru húsi á tveimur hæðum í Háholti í Keflavík. Hún á fjögur börn á lífi og sjö barnabörn og það hefur verið mikill gestagangur alla tíð og það var meðal atriða sem hún vildi hugsa um áður en hún færði sig í annað húsnæði. Það má því segja að það hafi verið nokkuð átak því breytingin er mikil því hún bjó í mjög stóru húsi.
Sigrún segir að þegar hún hafi farið yfir fjárhagslegu hliðina þá hafi það komið ágætlega út. Hún náði að selja húsið nokkuð fljótt og má segja að þessi lausn sem bauðst á Nesvöllum hafi virkað vel.
Það hafa verið mikil viðbrigði hjá Sigrúnu að fara úr stóra húsinu í nýju íbúðina á Nesvöllum. „Ég er mjög ánægð með nýju íbúðina. Stærðin er fín og skipulagið er gott. Staðsetningin hentar mér ágætlega og mér finnst gott að hafa bílskúrinn og innangengt úr honum. Ég er með aukaherbergi og hlakka til sumarsins og vonast til að geta fengið mér sæti á góðum kvöldum hér úti á pallinum.“
Sigrún segir að hún hafi verið búin að leita að nýrri húseign en án árangurs. Þegar Nesvalladæmið hafi komið á borðið þá hafi hún sannfærst nokkuð fljótt um að það væri rétta skrefið. Peningalega hafi það komið vel út, hún var sátt við útlit og flesta hluti á Nesvöllum og er bjartsýn á framtíðina á nýja staðnum. „Það sem kom mér svo skemmtilega á óvart var hvað ég var fljót að aðlagast breytingunum sem voru vissulega miklar,“ sagði Sigrún Ólafsdóttir.
