Íbúafundur um ferðamál í Vogum
staða ferðaþjónustunnar á Reykjanesi rædd og farið yfir verkefni sem eru framundan
Markaðsstofa Reykjaness og Reykjanes UNESCO Global Geopark í samstarfi við sveitarfélögin á Suðurnesjum boða til opinna funda um ferðamál á Reykjanesi og hefst fundaröðin í Vogum í kvöld þriðjudaginn 19. febrúar kl. 20.00 í Álfagerði, Akurgerði 25.
Á fundunum verður staða ferðaþjónustunnar á Reykjanesi rædd og farið yfir þau verkefni sem eru framundan í þessari vaxandi atvinnugrein. Starfsemi Markaðsstofu Reykjaness og Reykjanes UNESCO Global Geopark verður kynnt, sem og verkefni og stefnur sveitarfélaganna í ferðamálum en Ásgeir Eiríksson bæjarstjóri Voga heldur erindi í kvöld. Að loknum stuttum kynningum verður opnað fyrir fyrirspurnir og almennar umræður.
Fundirnir verða sem hér segir:
VOGAR: Þriðjudaginn 19. febrúar kl. 20.00 í Álfagerði, Akurgerði 25
GRINDAVÍK: Miðvikd. 20. febrúar kl. 17:15 í Kvikunni, Hafnargötu 12a
REYKJANESBÆR: Miðvikd. 20. febrúar kl. 20:00 í Bíósal Duus safnahúsa, Duusgötu 2-8
SUÐURNESJABÆR: Fimmtd. 21. Febrúar kl. 17.15 í Vörðunni Sandgerði, Miðnestorgi 3
Allir velkomnir á fundina og aðgangur enginn.
