Hvert er Jólahús Grindavíkur 2012?

Jólin nálgast óðfluga og Grindvíkingar þekkir fyrir að skreyta húsin sín og nágrenni af miklum myndarskap. Í fyrra verðlaunuðu HS Orka og HS Veitur fyrir bestu jólaskreytinguna í Grindavík og varð Suðurvör 5 fyrir valinu.

 

Leikurinn verður endurtekinn í ár og því eru Grindvíkingar hvattir til þess að skreyta sem aldrei fyrr. Tilnefningar um best skreytta jólahúsið skulu svo sendast á [email protected].

 

Á myndinni má sjá Jólahús Grindavíkur 2011.

 

Þá verður kveikt á jólatré Grindavíkurbæjar við Landsbankatúnið fimmtudaginn, 6. desember kl. 18:00. Þar verður glatt á hjalla og munu jólasveinar kíkja í heimsókn. Grindvíkingar eru hvattir til þess að fjölmenna.