Hvernig nýtast samfélagsmiðlar fyrirtækjum?

Næsti fræðslufundur Heklunnar og Kaupfélags Suðurnesja fjallar um það hvernig samfélagsmiðlar nýtast fyrirtækjum.

Þar munu þeir Gunnar Hörður Garðarsson samfélagsmiðlastjóri Markaðsstofu Reykjaness og Atli Sigurður Kristjánsson verkefnastjóri markaðsdeildar í Bláa Lóninu segja frá því hvernig þeir nota samfélagsmiðla í starfi sínu og hvaða árangri það hefur skilað.

Fyrirlesturinn verður haldinn á morgun, þriðjudaginn 7. nóvember kl. 12 - 13:00, Krossmóa 4, 5. hæð og er hann öllum opinn og ókeypis. Skrá þarf þátttöku á fundinn hér.

Boðið verður upp á léttar veitingar fyrir fyrirlesturinn.