Hvernig er hægt að lifa af litlu án þess að tapa gleðinni?

Hvernig er hægt að lifa af litlu án þess að tapa gleðinni? Hagsýni og hamingja er yfirskrift erindis sem Lára Ómarsdóttir mun flytja í Keflavíkurkirkju 20. október n.k. kl. 17:00.

Lára þurfti fyrir nokkrum árum að takast á við efnahagslegt hrun heimilisins, ásamt eiginmanni sínum og fimm börnum og er erindið byggt á reynslu hennar. Lára mun fjalla um hvernig hægt er að endurskoða fjárhaginn og spara þúsundir króna í hverjum mánuði en mun fremur hvernig hægt er að endurskoða hug sinn og líta framtíðina bjartari augum.