Hver er Qmen stúlkan?

Svarið við fyrirsögninni kemur í ljós þegar fyrsta Qmen stúlkan birtist í tölublaði Víkurfrétta sem kemur út næstkomandi fimmtudag. Góð aðsókn er í Qmen keppnina að þessu sinni en ennþá er opið fyrir skráningar. Einnig er hægt að koma ábendingum um stúlkur á vefpóstinn [email protected] en þar verður að fylgja með nafn og símanúmer en ljósmynd er kostur.

Ein stúlka mun birtast í hverju tölublaði Víkurfrétta fram eftir sumri en einnig verður hægt að sjá myndir af stúlkunum á netinu og eiga netverjar kost á því að kjósa sína stúlku eftir sumarið á Qmen síðu Víkurfrétta á vefnum. Þær kosningar vega síðan á móti dómnefnd en áformað er að halda lokakeppni í Reykjanesbæ eftir sumarið en dagsetning fyrir það hefur ekki verið ákveðin.

Stúlkurnar eru í fötum frá tískufataversluninni Mangó en ljósmyndirnar eru teknar víðsvegar í náttúrunni á Suðurnesjum.